still bangkok

ok.. bangkok isch riesig und guet mit verkehr voll pumpt. aber das ghoert das schlicht dezue. ich han voellig vergesse en azug fuer d'hochzit mitzneh.. aber au das isch da problemlos. ich han mer eifach en azug massschniedere lah fuer netti 150 Franke.. min guete fruend us pakistan de A.R. Mani het alles fuer mich gregled (im Hindergrund mit Turban).. Ueber Qualitaet laht sich stritte und eigentlich han ich kein azug in bangkok meh welle mache aber i de not frisst de tuefel ja bekanntlich au fluege.. uebrigens han ich jetzt mini andere kollege troffe. also de typ im schwarze hemd isch min persoenliche Stadtfuehrer. De Gabriel haet da in Bangkok studiert und kennt sich guet mit allem us>

Ich han de Azug bereits nach eim Tag koenne aprobiere.. (naja, ich denke die haend eifach tuusig azueg und quatsched der denn en moeglichst passende uf).. aber eigentlich isch ganz huebsch. ich bin stolz mich so im spiegel betrachte z'koenne :-)

ja wie gseit simmer jetzt en kline trupp wo sich dur d'strasse vo bangkok kaempft. Mit debi de Gabri, Bettina, Fabi, Michi, Damian (alles Kollege us minere Kindheit), d'Arlet und de Manu.. Gester simmer gepflegt go esse und wies halt so isch sind all scho fertig gsi, bis ich zersch mis hauptgricht curry massaman und nacher mini vorspies en papaya salat becho han..
Kurz drufabe simmer no is RCA wo so en art Clubstrass isch. Es versammlet sich die ganz Studentschaft vo Bangkok und mer.. lustige Abig, viel z'luti musig, viel z'viel akohol..\














Huet hani mis Hotel gwechslet da ich susch bald stress mit em finanzamt bechume.. us wohlstandstechnische und statussymbolische gruend zeig ich keis foti vo mim neue hotelzimmer :-) aber ich ha internet und susch stimmt eigentlich au alles.. mis neue hotel isch ca. 10min. vo mim alte per Taxi erreichbar, da aber min taxi fahrer keis wort englisch redt und roemischi schrift noed woerklich fuer ihn lesbar isch, haet er mich zersch e halbstund as andere end vo de stadt gfahre, isch sin cousin go froge wo ane ich will, de haets em denn uebersetzt und denn simmer nomol e halbstund wieder dur die ganz stadt zu mim neue hotel gfahre.. ich han ihm denn - zum eine will ich en nette mensch bin und viel meh i de hoffnig er koennt sich denn en englisch kurs leiste - trotzdem de ganz pris fuers taxi zahlt.. naja, sin ja au nor 6 Franke gsi. Da settet sich mal eusi Taxiunternehmige es Bispiel dra neh!! Lange rede kurzer sinn, ich gang jetzt go tennis luege - goooo fedi goooo.. da fallt mer no i, ich ha gester grad es Federbraeu gnosse>