Chicago

Yo! Nach de Karibik und langer zit ohni Internet isches jetzt wieder sowit. Ich kume wieder dri. Nach Maui bini ueber Phoenix nach Chicago gfloge... es schmerzhafts loslah vom Strand zrug id Stadt. Also wieder mal viel umelaufe. Chicago aber isch lediglich en 3 Tages Trip gsi.. Also hani zit dermit verbracht mir Stadt ine zieh und biz italienisch zesse.. da es da italienischi Restis wie Sand am Strand git. Wie au immer.. einisch meh e grossi Stadt mit viel Luet und vielne Liechter. Polizei gits da glaub noed.. oder ich han keini gseh.. oder Bullekaerre gseand do glich us wie Taxis.. ich weiss es noed...



Ich han s'Hotel grad bim Flughafe gha... das isch billiger und mit de Metro en klacks zum id Stadt z'cho. Also bini eifach mal losgfahre und i de Stadt usgstiege >


Ich bin denn also viel ume gloffe. Laufe isch kool. Ich chan viel besser denke wenn ich laufe.. naja. Maengisch waers besser t'sitze und nuet z'denke. Denn bini zersch mal an See abe, da ich die Stadt rein geographisch scho recht guet kenne (warum blibbt mis Gheimnis) und ich scho lang mal han welle zum Navypier.. Unterwegs sind mer denn no die lustige 2-Raeder ueber de Weg grollt. Gseht scho sau dumm us! Ich hoffe es wird kei Mode..


Denn am Navypier acho hani denn doch kein Gfalle gfunde dra und bi wieder id Stadt zrug.


Doert trifft mer uf die Luet wo halt Luet wie ich denn treffed. Und Fotis mached. Da e Jazz Band a de Strass. Ziemlich gueti Musig und spieled uf de Strass.. De Bueb haet muesse mitgo.. glaubs.

Denn au sehr typisch.. Kutschene mit Kutscher. Die arme Ross.


Denn gits wie ueberall die Toure. Mit Buess. Ich kann doert noed dri hocke.. ich bin z'schuech.


Ja denn s'uebliche Programm. Laufe und denke. Und foeteli schuesse.







Lustig.. Mein Boot, Mein Auto, Meine Wohnung. ...Noed.


Ich bin so lang umegloffe bis es dunkel wurde isch..



Viel meh isch fuer mich noed dinne glaegge. Ich han au kei Bock gha no laenger doert z'blibe.. d'vorfreud uf NY isch z'gross gsi. Also bini so schnell wie ich cho bin wieder verduftet. Am Flughafe no de lustig kauz troffe wo de Flughafe mit em fuechte Lumpe mues ufneh.. haha. Cheers

Maui

Maui, voll geil! De Priis isch hoch und d'Luet mega fruendlich. Da s'Bild am Morge bi minere Akunft in Honolulu.. Vo Honolulu han ich mer den grad en Flug uf Maui fuer 70 Franke kauft und bi witer gflogge.. Maui, eini vo vielne Insle uf Hawaii, liet suedlich vo Honolulu. Maui isch d'Mischig vo Ruige und Luute Plaetz.. es haet alles bitz. Ich bin vorerst 2 Taeg eleige gsi, bis de Jonas vo San Diego zu mer cho isch. Mer haend 2te es Condo (Wohnig) gha und es Auto.. Auto isch extrem vo Vorteil, da Taxis Tuer sind und noed uf Bues agwiese bisch. I de erste 2 Taeg wo ich no elei gsi bin, bini als ersts grad mal uf de hisigi Krater Haleakala en usflug go mache. Fantastisch!



Maui isch erstunlich gross.. wuerd mer dere Insle noed geh. Aber nur scho d'Autobahn zum Krater ue zeigt wie gross de Krater isch! Da no bitz bewoelkt um de Krater, das isch aber ganz normal, da halt die Wolke am Berg hange blibbed>


Zersch under de Wolke durre>


Und denn ueber de Wolke witer>


Meh fuehlt sich bitz wie imne Flugzueg wenn mer am Gipfel entgege fahrt>


E voila, nachere guete Stund fahrt bini uf 10000 Fuess bitz meh als 3km hoechi gsi mit emne ganz guet blosende Wind>


En Gigantische usblick rund um d'Insle und is innere vomne 'knuenstliche' Berg>





Denn bini uf de Rueckfahrt no kurz aghalte und han en Wanderweg bestritte. De got bitz id Landschaft vo dem Krater ine>




Ufem Rueckweg hani denn grad no de Jonas am Flughafe iglade>


Ja und so endet scho die erste 2 Taeg uf Maui Island>


Da uebrigens no en Rundgang dur eusi Wohnig>



Tags druf simmer an Beach go chille. 2 Meter hoechi Welle im Grund gno noed viel, aber wenn dich die Wassermasse richtig verwoetsched wirsch ziemlich verrumed.. Gigantisch!



Am noechste Tag simmer denn en Usflug uf Hana go mache. Mer sind frueh ufgstande, damit mer de Sunrise gsaend aber es haet nor gregnet :( naja, defoer haemer denn de legendaeri black beach gseh... en 20 meter breite strand mit schwarzem sand. gaehhhhn.. Kool isch uf jedem Fall d'Fahrt doert hi, da sie erstens viel kurve haet und am meer entlang fuehrt und zweitens will uf de ostsite vo de insle halt de regewald isch>








Es git uebrigens viel sache wo mer noed doerf mache und noed soett, da mer ja in amerika sind wird das au a allne egge zahlrich erwaehnt>


Mer send a dem Tag bei zimlich gschlisse gsi, au wegem frueh ufstah.. daher haemmer eus mit fahre abgwechsled. Immer eine het gschloffe und de ander isch gfahre.. do bin ich grad gfahre! Ha!>

... ich wuensche guet nacht!

Naja, susch gits noed viel z'erzaelle... halt strand, sunne und sunne.. und vieleicht nochli alk :) und fraue mit kokosnuss BH;s. haha





...parkplaetz haets gnueg.. nimm 2 :)

Starbucks begleitet mich stets treu uf minere Reis... ich wuenscht es gaebt Fraue wo so treu koend si wie'd starbucks ketti... rund um d'welt, egal wo ich grad bin und si haltet was sie verspreched.. :) guete Kaffi>


...und ja au uf Maui gits tolli sunneundergaeng>


Am letschte Tag simmer us mangelnde Idee und usem Fakt, dass de Joni nonig uf em Krater gsi isch... nomal uf de Krater gfahre... Wie immer mangleds eus noed nor a Idee sondern au a Vorbereitig! So simmer natuerlich mit em leere Tank uf de Berg gfahre.. und das ja ufem Krater nor so vor Tankstelle wimmled isch uf de ganze Fahrt ufe s'Thema Nr. 1 gsi.. 'Kehre mer um' ? und das all 100m... schliesslich haemmers denn doch no gschafft und sind denn halt im lehrgang wieder de berg durab grollt :) so sind mer maenner halt.. scheiss druf das gaht scho irgendwie :) ... und meisstens gahts au.. meisstens :)

...ja und wenn mer mal mues, denn mues mer mal... egal wo mer grad isch, haha!! guete schnappschuss



Soviel vo Maui, wo mer bilder wie uf Poster schuesse kann... witer nach Chicago, Mahalo