Maui

Maui, voll geil! De Priis isch hoch und d'Luet mega fruendlich. Da s'Bild am Morge bi minere Akunft in Honolulu.. Vo Honolulu han ich mer den grad en Flug uf Maui fuer 70 Franke kauft und bi witer gflogge.. Maui, eini vo vielne Insle uf Hawaii, liet suedlich vo Honolulu. Maui isch d'Mischig vo Ruige und Luute Plaetz.. es haet alles bitz. Ich bin vorerst 2 Taeg eleige gsi, bis de Jonas vo San Diego zu mer cho isch. Mer haend 2te es Condo (Wohnig) gha und es Auto.. Auto isch extrem vo Vorteil, da Taxis Tuer sind und noed uf Bues agwiese bisch. I de erste 2 Taeg wo ich no elei gsi bin, bini als ersts grad mal uf de hisigi Krater Haleakala en usflug go mache. Fantastisch!



Maui isch erstunlich gross.. wuerd mer dere Insle noed geh. Aber nur scho d'Autobahn zum Krater ue zeigt wie gross de Krater isch! Da no bitz bewoelkt um de Krater, das isch aber ganz normal, da halt die Wolke am Berg hange blibbed>


Zersch under de Wolke durre>


Und denn ueber de Wolke witer>


Meh fuehlt sich bitz wie imne Flugzueg wenn mer am Gipfel entgege fahrt>


E voila, nachere guete Stund fahrt bini uf 10000 Fuess bitz meh als 3km hoechi gsi mit emne ganz guet blosende Wind>


En Gigantische usblick rund um d'Insle und is innere vomne 'knuenstliche' Berg>





Denn bini uf de Rueckfahrt no kurz aghalte und han en Wanderweg bestritte. De got bitz id Landschaft vo dem Krater ine>




Ufem Rueckweg hani denn grad no de Jonas am Flughafe iglade>


Ja und so endet scho die erste 2 Taeg uf Maui Island>


Da uebrigens no en Rundgang dur eusi Wohnig>



Tags druf simmer an Beach go chille. 2 Meter hoechi Welle im Grund gno noed viel, aber wenn dich die Wassermasse richtig verwoetsched wirsch ziemlich verrumed.. Gigantisch!



Am noechste Tag simmer denn en Usflug uf Hana go mache. Mer sind frueh ufgstande, damit mer de Sunrise gsaend aber es haet nor gregnet :( naja, defoer haemer denn de legendaeri black beach gseh... en 20 meter breite strand mit schwarzem sand. gaehhhhn.. Kool isch uf jedem Fall d'Fahrt doert hi, da sie erstens viel kurve haet und am meer entlang fuehrt und zweitens will uf de ostsite vo de insle halt de regewald isch>








Es git uebrigens viel sache wo mer noed doerf mache und noed soett, da mer ja in amerika sind wird das au a allne egge zahlrich erwaehnt>


Mer send a dem Tag bei zimlich gschlisse gsi, au wegem frueh ufstah.. daher haemmer eus mit fahre abgwechsled. Immer eine het gschloffe und de ander isch gfahre.. do bin ich grad gfahre! Ha!>

... ich wuensche guet nacht!

Naja, susch gits noed viel z'erzaelle... halt strand, sunne und sunne.. und vieleicht nochli alk :) und fraue mit kokosnuss BH;s. haha





...parkplaetz haets gnueg.. nimm 2 :)

Starbucks begleitet mich stets treu uf minere Reis... ich wuenscht es gaebt Fraue wo so treu koend si wie'd starbucks ketti... rund um d'welt, egal wo ich grad bin und si haltet was sie verspreched.. :) guete Kaffi>


...und ja au uf Maui gits tolli sunneundergaeng>


Am letschte Tag simmer us mangelnde Idee und usem Fakt, dass de Joni nonig uf em Krater gsi isch... nomal uf de Krater gfahre... Wie immer mangleds eus noed nor a Idee sondern au a Vorbereitig! So simmer natuerlich mit em leere Tank uf de Berg gfahre.. und das ja ufem Krater nor so vor Tankstelle wimmled isch uf de ganze Fahrt ufe s'Thema Nr. 1 gsi.. 'Kehre mer um' ? und das all 100m... schliesslich haemmers denn doch no gschafft und sind denn halt im lehrgang wieder de berg durab grollt :) so sind mer maenner halt.. scheiss druf das gaht scho irgendwie :) ... und meisstens gahts au.. meisstens :)

...ja und wenn mer mal mues, denn mues mer mal... egal wo mer grad isch, haha!! guete schnappschuss



Soviel vo Maui, wo mer bilder wie uf Poster schuesse kann... witer nach Chicago, Mahalo

tokyo

Uataligaaa! Was das heisst? Kei Ahnig.. aber ich has ghoert. Japaner reded praktisch kei englisch. unglaublich aber wahr! Selbst im Hotel (4 Stern) nor brocke und niemert redt fluessend..

Drum au min Gsichtsusdruck uf dem Foti. Ich stahne vor de Ubahn uebersicht und weiss... gar nuet. Au Oeffentlichi Hiwis sind selte in englisch verfasst. Aber trotzdem.. Ubahn System isch recht kool in Tokyo.. liecht z'verstah und ich bin doch ziemlich dermit umegrotzt :)

Was aber ueber denn Problemli staht isch d'fruendlichkeit. Japaner sind extrem ufrichtig, ehrlich, astaendig.. es isch wie bitz innere bessere welt z'laebe.. rein vo de moralische aspekt. aber eb das uf duur besser isch.. naja. ich fuer min teil bin hoch z'friede mit de fruendlichkeit. Han selber mis iphone imne taxi ligge loh.. und 1 tag spoeter uf de polizeistation neb mim hotel wieder koenne abhole. das isch idruecklich gsi und vorallem.. GOTT ICH HA MIS IPHONE WIEDER!!!


Au in Tokyo bini noed alei underwaegs gsi.. Ich han min alte Schuelkolleg de Marko troffe. Er haet japanisch studiert und lebt in Tokyo. Das isch echt e Leistig! Vorallem wemmer bedenkt wie stark nationalistisch die Luet in Japan sind.

Als erst bini mit ihm mal was go esse... und han grad gmerkt! Das isches was Japan usmacht! Ich LIEBE de Food doert. Japaner triebeds is extrem was esse abelangt! Gourmet ohni End!! >




Ich glaube die Bilder koennt noed das zum Usdruck bringe wie das alles au schmoekt! Fantastisch!

Denn sind mer uf mim trip dur Tokyo allerlei klinigkeite ufgfalle... Als ersts wird immer und ueberall platzmangel gross gschriebbe..>


Genial! Wer brucht scho Zapfsaeule?

WC oder UFO ? Und wo bitte isch de Spuehlknopf?


Altstette Richtig Bade oder Shibuya Richtig Shinjuku?


Erst mal i mim Laebe wo Fuessgaengerample i mine Auge sinn mached... naja. denn bini uf de tokyo tower go ume luege.. was susch als tourist>



ich bin noed de einzig wo schaurig frued gha haet>


Denn bini no es par Schritt id Nacht vo de City gloffe>



Isch das noed schoen? Naja.. Am noechste Tag bini mit em Marko unterwegs gsi. Mer sind in Park, Tempel und aschluessend go esse. Halt eifach ein Moment lang in Tokyo laebe>

Es gnuegt noemme dini Produkt im Lade z'verkaufe.. de jungi Mah da macht tatkraeftig vor sim Lade uf sini Produkt ufmerksam..

Garageuffahrte koemmed da noed in Frag. Autos werded mit Lift befoerdered>


Waldweg (do gahts zum Tempel) zmitzt i de Stadt>


Danah kurz durs gwuehl vo Mensche>


und in noechste Park mit lustige Baeum>


Denn simmer wieder id Stadt. Folgendes fallt sofort uf.. de Esel doerfsch natuerlich mitneh, aber de Karre wo er normalerwies zieht doerf noed uf d'strass>


Wer kennt sie noed? Fifty Fifty au in Tokyo still alive>


...eusi Fans! thx

Am Abig no rasch fuer 10 Franke a discretion go bier trinke und viel mensche kennelehre.. haha.



Tags druf, min letschte Tag hani mit beobachte vo Japaner verbracht. Sie sind sehr eige.. aber ihre style gfallt uf jede fall. Ich koennt wieder do here gah.. vielicht mal. So jetzt aber witer nach Maui...




Cheers