hongkong

Saliiii! Nach Phuket bini rasch nomal uf bangkok fuer 3 Taeg um mich uf min noechste Trip nach Hong Kong vorzbereite.. Zersch hani no es aparment upgraded becho (die haend mis reservierte low buget zimmer vergeh) und ha e wohnig mit schlafzimmer, stube, kuchi und anderem au en akleideruum im 34. Stock mit glaenzender View ueber Bangkok becho. Mit mer sind no es par Scheiche ufem Stock ghaengt. Ich ha si versucht in Oelgschaeft mit de Schmitzsche Oil Company z'verwickle aber d'verhandlige sind a mangeldem alkohol gscheitered.. naja. ich has versuecht :)
Es isch beidruckend was sich in Bangkok alles fuer gsindel umetriebt.. halt immer no die guenstige prisverhaeltnis wo halt gross und kli us aller welt azieht. Denn haet sich eusi Boldi Gruppierig so tsaege in Luft ufgloest und all sind i ihri flugis gstiege und verreisst. Ich ha nach Hong Kong icheckt und bi denn no bitz id Silver Silk Lounge vo de Thai Airways chillt bis min flug gange isch. En gmuetliche wie mer uf dem bildli gseht.. da ich wie oft die letschte taeg noem schlofe kann z'nacht hani das im flugi nohgholt. ha ja mis bett i de business, daher keis problem.


Also adieu Bangkok.. e Stadt mit vielne Lichtli.

Also Hong Kong e Metropole vo de Superlative. Was mer sofort merkt, Englaender sind do gsi. D'Fuessgaengerstreife sind jewils mit 'LOOK LEFT' oder ebbe 'LOOK RIGHT' kennzeichnet. Es herrscht linksverkehr und es fahred Doppelstoeckigi Buess ume. Sogar Polizeiuniforme sind denne in England nahgstellt.
Denn fallt uf, dass d'Mensche foellig andersch gwickled sind. Sie lached noem so wie dass das Thailaender mached, obwohl da de Wohlstand hoecher isch.. naja, wohlstand und wohlfahrt sind zweierlei und es schient doch dass sich die gegesaetzlich beiflussed..
Hong Kong isch en Treffpunkt vo Ost und West.. Bevoelkerig isch durchmischt und Bueroluet sind viel vo Weste. Naja ebbe.. England haet da guet gwuerkt. Kultur isch noed woerklich gross gschriebbe.. defoer isch d'stadt sehr suber und strahlt mit vielne Gruenalage.

Zerscht bini herzlich vo de Hotelstuff empfange wurde>


Denn hani natuerlich grad e Stadtrundi gmacht um die grossartige gebauede wo us Platzmagel sich id hoechi gschlaengled haend azluege. Da es par hueser>










Da en versuech d'Skyline vo Hong Kong vo Kowloon (Stadtteil gegenueber vo Hong Kong) us i zfange (klick uf sFoti git grossasicht :)


De Wahnsinn oder? Ich liebe hoechi hueser.. Ich bin au ufem hoechste da i de Skyline befindliche Hochhus gsi und ha unglaublichs festgahlte.. es schwimmbad im 50. Stock im gegenueberliegende Gebauede>


Da da Platzmangel gross gschriebe wird, sind Wohnig entsprechend kli.. da Bispielswies es par (ka andersch gar noed si) Ei Zimmer Wohnige>


Bi mim Rundgang dur HongKong bini no uf folgendes interessants gstosse>


Gseh? Uf dem goldige Gebaeude isch doch tatsaechlich de Brand vo de Zueri Versicherig :) ich bin den natuerlich grad doert hi marschiert und ha nachemne Job gfraged.. jedoch isches nur de Brand ufem Dach und nuet meh.. Zueri selber isch irgendwo am Stadtrand wo ich denn noem hi bin. Naja.. ha mer scho ueberleit mis Laebe jetzt da z'verbringe.. aber ebbe.


Denn bini no bitz dur d'strasse gloffe und ha mich a ueblichem ergoezt.. Im Park hani no es par tierli troffe und bi denn hei i mis chillige hotel go BBC News luege. Denn bini friedlich ipfused>




De Typ da isch mega komisch druffe gsi.. isch mer die ganz zit noh gloffe ;-) >



Generell eifach viel z'viel mensche uf eim Hufe>


s'disneyland isch i de noechi.. meh gspuehrts>


Denn bini i de Nacht umegloffe.. Also all Bilder nomal im Nachtmodus>



Da en Versuech de kuenstlerischi Aspekt bim Fotografiere hervorzhebe.. naja>


Zum Schluss haets mich denn wie wohl jede Tourist in Hong Kong uf de Victoria Peak zoge.. unglaublichi View uf d'Stadt!>

Schlussendlich wieder einisch meh amne Flughafe irgendwo uf dere Erde... Aber au doert gits spannendi sache wie Flughafegebaeude und Fluegzeug>


Big BrumBrum>


Obwohl mers mer noed agseht.. ich bin sehr z'friede :-D bis denn!

puket

Swaadii Krap mitenand! De Trip nach Phuket isch sehr schoen gsi.. Akunft aber eher fürchterlich.. es haet mega pisst.. denn aber haet sich s'wetter bessered und es haet guet sunne geh.. phuket isch halligalli und strand haenge.. ja und ich ha mer de oepfel verbrennt.. han mich 2h mit surfe versuecht und ha nor scho mhue gha hinder d'welle zcho.. und wo ich das endlich gschafft han, bini z'mued gsi zum welle rite :/ naja.. wie au immer. da eifach no es par gmuetlichi bilder..


















Alltagszene.


Eusi Strand Security... mega herzige hund wo eus vo ramschverkaeufer beschuetzt haet.. ab und zue haet er eus au im hotel bsuecht.. huend laufed da zu hunderte ume.. alli ohni bsitzer aber en aggressive hund ha ich nie atroffe.. ich weiss noed was mer bi eus falsch mached dass es immer wieder zu zwoeschefaell kunnt..




Was mer halt unbedingt brucht und verdammt praktisch isch sind toefflis... die toefli da kostet pro tag 3 Franke und fahred doch 100km/h.. helm isch pflicht, obwohl immer wieder ohni gfahre wird.. kloepfe tuets no ab und zue aber polizei isch noed so aktiv im kontrolliere.. einisch aber han ich mis toeffli an strasserand gstellt und isch prompt abgschlosse gsi :/ ich bin denn tagsdruf mitem andere toeffli um die halb insle zumne polizeiposte dampft und ha 10 franke buess zahlt.. denn no es hin und her und mis toeffli isch wieder vo sine fessle befreit wurde.



en kurze trip zum big budda ghoert als astaendige buddist dezue... bin aber z'fuuul gsi zum ganz ue laufe :)


Das waers gsi... 6 tag phuket. do mit em fabi wieder uf de rueckreis nach bangkok.. I dem Sinn.. schoene tag no>>>>

hua hin (wedding)

cheers. hoffe es gaht eu aehnlich guet wie mer. es isch chillig ohni end.. zwoeschezitlich bini vo
bangkok witer nach hua hin greist. doert acho simmer zersch mal is pup und hend es par bier ghobe, pool gspielt und was halt au derzue ghoert.. ladyboys veraepplet :) hua hin isch bi witem noed die party location da under anderem au de koenig sini ferieresidenz doert haet. aber das machts ebbe au genau so sympathisch, da mer de halligalli in bangkok biz zum hals use hangt. das bild uebrigens zeigt mis neue outfit, da ich jetzt teil vo sizilianische mafia bin.. nei, ok. noed ganz. isch a de hochzit gsi :) de prachtvolli azug giz foer laeppischi 150 Franke. gseht echt chic us, ich verlieb mich grad biz i mich :)


aber nomal zrug zu bangkok. nachdem mer eus all troffe haend simmer no biz i de grossstadt umegirrt und haend es par lustigi sache gfunde. da grad sehr gschaeftig am telefoniere.. meh well ja nuet verpasse..

um eus zit no biz um d'ohre z'schlah simmer no is kino go ice age 3 go luege. schlechte film.. immer s'gliche sit em erste teil. was aber sehr lustig isch, isch das mer sich vorem film e volli halbstund werbig ine zieh mues. ich bin debi igschlofe. denn aber bini vom dami gweckt wurde, da kurz vor em film no die thailaendisch hymne und es par bilder vom koenig zeigt werded. dadezue staht mer uf und hebt waehrendesse inne. waer ich noed gweckt wurde, so haet ich i de stehende maengi friedlich vor mich hi gschnarchled.. :) naja.



















de spassig hund haet mer faschi inezoge.. aber ich ha nomal d'mass gno. haet noed in koffer passt.

Hochzit

Mit em Minibus 3h nach hua hin (heisst so und haet nuet mit hua hin und retour ztue.. ha mich muesse belehre lah), doert acho wie gseit biz chillin und denn haet mer sich am tag druf zum ja wort igfunde. D'Hochzit haet hoch traditionell stadtgfunde. So isch au de Andi im traditionelle Kostuem daher cho. Das ganze haet am Buddatag stadt gfunde.. das isch noed guet oder schlecht.. es heisst einzig, dass d'moenche (wos pendent zu eusem pfarrer darstelled) am tag noed schaffe waend, und d'Hochzit somit am Morge am 6i stadtgfunde haet.. de eint oder ander vo eus haet under dere
Tatsach de Muedigkeit muesse trotze. Alles i allem aber als 'fremde' e sehr schoeni und zum Teil au sehr amuesanti Aglegeheit.. mmhh.. ich will au huerate :) - noed. Zermonie startet mitemne halbstuendige - vor mer us gseh au rap aehnliche - uftackt vo moenchschem gsang. sehr amuesant! aber nach 1omin. heat mers doch au ghoert.. die haend ehrlichgseit noed welle ufhoere.. muesam fuer de Andi wo die ganz zit im schniedersitz haet muesse haenge.. meh gseht d'muehseligkeit au bitz i sim gischt :)

D'Pattama isch au im traditionelle gwandt cho.. en traum braut, mer koennt niedisch werde. Naja, es isch denn witer gange idem mer am brutpaar einzeln wuensch mit uf de weg git und vielne andere ungwohnte bilder wie dass sichs brutpaar je 3 mal vor beidne eltereteil verbuegt und und und.. alles i allem en kooli sach gsi.. da na es par bilder>

paparazi wo mer nor he luegt :-) nei das sin natuerlich die engste kollege (genannt boldigang (boldi ischs quartier wo mer all zaeme ufgwachse sind)).

Familie vo de Pattama

Familie vom Andi

nach 4h isch de zauber denn verbi gsi und die meisste sind sich im hotel nomal ufs ohr go haue.. (ich uf jedefall:).. am gliche abig sind nach traditionellem gschmack 300 hundert gladeni thai gaest erschien. mer sind noed a dem alass gsi. tags druf aber, isch im hotel hilton denn aber d'hochzitsparty gstiege.. super feins esse und ganz e dicki party!




Denn haemer natuerlich no bitz chillt.. meh kann ja au noed immer krampfe :) strand, pups und de GP vo hua hin isch uf de lokal glaegene kart bahn gstiege.. souverän han ich mer pole position erkaempft und han nachem fluegende start all mini gegner i mim schatte stah lah.. souveräni rundezite und nor ein dreiher haend mich glanzvoll ufs siegespodest ghobe.. naja, wahrschinlich mis duetsche bluet :)

so endet s'thema hua hin und mer sind denn retour nach bangkok damit mer de flüger nach phuket verwütsched..

prost!