Also.. Start 22:45 Zurich Kloten mit Airbus 340 ready to take off. Alli lampe uf gruen und los.. Business Class isch unglaublich.. So han ich mer fluege als kind immer vorgstellt. Ich wirde muehe ha ueberhaupt nomal ine eco z'hocke! Sekt zum sichs gmuetlich mache, frei verstellbare Sitz bis zur Liegestuhelposition (min persoenliche favorit), TV, 4 Gang Menu Serviert ufemne bedeckte Tisch und bedient ala: "Herr Schmitz, moechtet Sie lieber d'Lamm Medallions oder ehner Won Ton Suppe..." ah! ich liebs..
Ich fluege mit em Andy.. ich wirde inere wuche a sini hochzit in huahin gah.. ich bin gspannt wie das wird :) de zuefall haets welle, dass mer noed nor de glich flug haend sondern au nebenand sitzed.. so haem mer eus beid ueber business plausch freu koenne..Naja.. wie au immer. Ich sitz jetzt da im Millenium Hotel in Bangkok und ha da Internet und zaeme mit mim pocket pc kann ich vo do us au mails schriebe, blogs schriebe, ebanking und sogar aktie handle :) S'Hotel isch vom finste und ziemlich neu.. also ueber de komfort kann mer sich noed beklage..
es sind da grad 34 grad und ziemlichi luftfuechtigkeit.. aber mini aircon kuehlt grad bequemi 28 grad.. so lats sichs chille :) dezue hani mer en black russian (1/2 vodka, 1/2 kalua) vo mim duty free ikauf goennt :) ahhhh... herrlich, wahrlich herrlich. Also zum Schluss d'View vo mim Zimmer im 23. Stock uf Bangkok... es wird da scho dunkel und ich gang no rasch an Siam (shopping center) und kauf mer es natel mit prepaid.. damit mich die bluetsuger swisscom noed in ruin triebt ;-) so. alles bene bis denn!
Keine Kommentare:
Kommentar veröffentlichen